រាជធានីភ្នំពេញ៖ នៅថ្ងៃទី១០ ខែមីនា ឆ្នាំ២០២៣នេះ គណៈដឹកនាំជាន់ខ្ពស់នៃសាសនាឥស្លាមកម្ពុជា បានប្រកាសជម្រាបជូនដំណឹងដល់គណៈអ៊ីមុំា រាជធានី ខេត្ត ក្រុង ស្រុក ខណ្ឌ គណៈអ៊ីម៉ាំម៉ាស្ជិទ គ្រូបង្រៀនខ្មែរឥស្លាម និងប្រជាពលរដ្ឋសាសនិកឥស្លាមទូទាំងព្រះរាជាណាចក្រកម្ពុជាឱ្យបានជ្រាបអំពីការកំណត់កាលបរិច្ឆេទចូលបួសរ៉ាម៉ាឌន សម្រាប់ឆ្នាំ២០២៤។
បើតាមប្រភពព័ត៌មាននៅលើទំព័រហ្វេសប៊ុកផ្លូវការរបស់អ្នកឧកញ៉ា សុះ កំរ៉ី ជាចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា បានបញ្ជាក់ថា ការចូលបួសរ៉ាម៉ាឌនរបស់សាសនិកឥស្លាមកម្ពុជា នឹងចាប់ផ្តើមនៅថ្ងៃអង្គារ ទី១២ ខែមីនា ឆ្នាំ២០២៤ ខាងមុខនេះ។
សូមបញ្ជាក់ថា ពិធីបុណ្បបួសដែលសាសនិកខ្មែរឥស្លាមតែងតែប្រារព្ធធ្វើឡើងនៅខែរ៉ាម៉ាឌនជារៀងរាល់ឆ្នាំ ដែលជាតម្រូវឱ្យសាសនិករបស់ខ្លួនកាន់នូវតំណមយ៉ាងតឹងរ៉ឹង។ គួរឱ្យដឹងផងដែរថា ពិធីបុណ្យ រ៉ាម៉ាឌន ដែលគេនិយមហៅថាជា ខែបួស គឺជាពេលដែលសាសនិកឥស្លាមត្រូវអត់ធ្មត់មិនទទួលទានអាហារ និងមិនផឹកទឹកអស់រយៈកាលជាង១០ម៉ោងក្នុងមួយថ្ងៃៗ ចាប់ពីពេលជិតភ្លឺ (មុនថ្ងៃរះ) រហូតទល់ពេលល្ងាច (ក្រោយពេលថ្ងៃលិច)៕